Ақтөбе облысы білім басқармасының Ойыл ауданы білім бөлімінің «Жамбыл мектеп-балабақшасы» КММ
КГУ «Жамбулская школа- детский сад» отдела образования Уилского района Управления образования Актюбинской области
Мақсаты:
Балалардың саусақ, алақан бұлшықеттерінің қозғалысын жетілдіру арқылы ұсақ қол моторикасын дамыту. Зейінін, қиялын, ойлау қабілетін, сөйлеу тілін және шығармашылық белсенділігін арттыру.
Міндеттері:
- Саусақ жаттығулары арқылы қол икемділігін дамыту.
- Түрлі ұсақ құралдармен жұмыс жасау дағдысын қалыптастыру.
- Баланың ойлау, сөйлеу және қимыл әрекетін үйлестіру.
- Шығармашылыққа баулу.
Көрнекіліктер мен құралдар:
Дамытушы құралдар
Сабақтың өту барысы:
І. Ұйымдастыру кезеңі
- Балалармен сәлемдесу
- Көңіл күйді көтеру үшін қысқа әуен немесе қимылды ойын
ІІ. Кіріспе бөлім
- Тәрбиеші балаларға ұсақ моторика деген не екенін түсіндіреді.
- Қолдың шеберлігі мен мидың байланысы жайлы әңгіме жүргізіледі.
- "Қол өнері – ақыл өнері" деген мақалдың мәнін түсіндіру.
ІІІ. Негізгі бөлім
1. Саусақ жаттығулары (физ.минутка түрінде)
— «Қоянның құлағы», «Алақанмен бұлт жасау», «Бақбақ гүлін ашу» жаттығулары
— Әуенмен бірге орындалады
3. Ұсақ заттарды сұрыптау ойыны
Көкөністер мен жемістерді,жануарларды ажыратып,орындарына қою.
4. "Қиып-жапсыр" шығармашылық тапсырма
— Қағаздан сурет қиып, жабыстыру арқылы бейне жасау
IV. Қорытынды бөлім
- Балалармен орындалған жұмыстарға шолу
- Кері байланыс: «Маған не ұнады? Не қиын болды?» сұрақтары
- Қимыл-қозғалыс ойын: «Кім жылдам?»
Күтілетін нәтиже:
- Балалардың ұсақ қол бұлшық еттері жетіледі
- Қол, көз үйлесімділігі артады
- Шығармашылық және зейін дағдылары дамиды
- Топпен жұмыс жасауға үйренеді.
Мақсаты:Ата-аналарды балалардың қауіпсіздігін сақтау жолдарымен таныстыру, қауіпсіздік мәдениетін қалыптастыру, отбасы мен мектеп арасындағы ынтымақтастықты нығайту.
Күтілетін нәтиже:Ата-аналар балалардың қауіпсіздігін қамтамасыз етудің маңыздылығын түсінеді;
Үйде және қоғамдық орындарда қауіпсіздік ережелерін сақтау жолдарын меңгереді;
Мектеп пен ата-ана арасындағы байланыс нығаяды.
Өткізілу формасы: Ашық әңгімелесу,презентация
Қатысушылар:Ата-аналар, әдіскер, мектеп медбикесі, тәрбиешілер
Өткізілу орны : физика кабинеті
Күні:25.04.2025ж.
Уақыты 10.30
Өту барысы:
І.Ұйымдастыру. Амандасу
Кіріспе сөз . Бүгінгі шараның мақсатын түсіндіру. Жұмажанова Г.
ІІ. «Баланың қауіпсіздігі -ортақ жауапкершілік»
https://youtu.be/yFyxvbAvK_g?si=FI6dDWZd5X9Arxr4
Назар аударатын негізгі қауіпсіздік ережелері:
1. Үй ішіндегі қауіпсіздік:
Электр розеткаларына қорғаныш қақпақтарын орнатыңыз;
Қайшы, ине, дәрі-дәрмек сияқты қауіпті заттарды баланың қолы жетпейтін жерге қойыңыз;
Ыстық су мен заттардан балаларды аулақ ұстаңыз.
2. Сыртқы ортада:
Баланы көлік жолына жақын жерде жалғыз қалдырмаңыз;
Ауладағы ойын алаңдарында үнемі қадағалаңыз;
Жол ережесін кішкентай кезінен үйретіңіз (мысалы, бағдаршам, жаяу жүргінші жолағы).
3. Судағы қауіпсіздік:
Бала суға толы ваннада, бассейнде немесе кез келген су көзінің маңында ересек адамның бақылауынсыз болмауы тиіс.
4. Бейтаныс адамдармен қарым-қатынас:
Балаға бөтен адамдармен сөйлеспеу, олардың берген заты мен ұсынысын қабылдамау керектігін түсіндіріңіз.
« Сұрақ сізден, жауап-бізден» әдісі бойынша ата-аналар бір-біріне сұрақ қойып ойларын ортаға салады.
«Менің үмітім» жаттығуы Әр ата-анаға стикер таратылады.
Тапсырма: стикерге балабақшадан күтетін бір үмітін немесе тілегін жазып, арнайы тақтаға жапсыру
Қорытынды
Ұмытпаңыз! Баланың қауіпсіздігі – сіздің қамқорлығыңыз бен назарынзға тікелей байланысты. Оған күнделікті қарапайым ережелерді ойын түрінде үйрету — қауіптің алдын алудың ең тиімді жолы.
